တမန်တော်သီချင်း
သူမရဲ့ ပြန်နေကျလမ်းကလေးမှာ
ငေးရီစောင့်ကြည့်ခဲ့ဖူးတယ်။
အဝေးဆီ
ဟိုးအဝေးဆီ
သူမတိုးဝင်ပျောက်ကွယ်သွားတဲ့အခါ
ငါ့ကိုယ်ငါ တယောကလေးလုပ်ပြီး ထိုးနေခဲ့မိတယ်။
အဲ့ဒီတယောသံလေးထဲမှာ
(တိတ်တဆိတ်)
အိပ်မက်ထဲ ၀င်လာခဲ့တဲ့ ချစ်ခြင်းတရားတွေရှိတယ်။
အဲ့ဒီတယောသံလေးထဲမှာ
မျှော်လင့်စောင့်စားနေခဲ့ရတဲ့ ငါ့မနက်ဖြန်တွေရှိတယ်။
အဲ့ဒီတယောသံလေးထဲမှာ
အိမ်ပြန်သွားတဲ့ သူမကို ငေးရီစောင့်ကြည့်ခဲ့ရတယ်။
အဝေးဆီ
ဟိုးအဝေးဆီ
သူမတိုးဝင်ပျောက်ကွယ်သွားတဲ့အခါ
(အဲ့ဒီတယောသံလေးထဲမှာပဲ)
ငါ့ကိုယ်ငါ တယောကလေးလုပ်ပြီး ထိုးနေခဲ့မိပြန်တယ်။ ။
စိုးမင်းအောင်(လသာ)
မြားနတ်မောင်၊ဇန်န၀ါရီ၊၂၀၀၁၊စာ-၁၆
No comments:
Post a Comment