တစ်ယောက်တည်း ပြဇာတ်တိုက်တဲ့နေ့
တိုနေတဲ့ခဲတံ ချွန်ရသလို
လက်ကို ဓားမရှအောင်
သတိထားချွန်နေရတဲ့ လူမှုရေးထဲ
စောင်းကြိုးကို ညှိရင်း
စောင်းတစ်လက်လုံး ကျိုးသွားသော ဘ၀...
ဥာဉ်ဆိုးနဲ့လူလည်း ပညာသင်သား
ဥာဉ်ကောင်းနဲ့လူလည်း ပညာသင်သား
အပွင့်အသီးအားလုံးစုံပြီ
ငါ့သက်တမ်းတစ်လျှောက် စုခဲ့သမျှ
စုဘူးတိုင်းကို မပြည့်ခင်မှာဘဲ ခွဲဆုံးခဲ့ရ
မြင်နေရပြီး လွဲနေတဲ့ လမ်းကို
အော်မခေါ်ချင်တော့ဘူး ငါ
ကျောရိုးမတူတဲ့ ရယ်သံတွေကြားမှာ
ငါလည်း သွားတတ်လာတတ်တော့ ရှိနေပါပြီ
ဘယ်တုန်းကမှ မလှုပ်ရှားတတ်တဲ့
စိတ်နဲ့
ညအိပ်ယာဝင်တိုင်း
ငါ့ခြုံစောင်ထဲမှာ
ငါ့လက်သီးနှစ်လုံးထက်ပိုတဲ့ လက်သီးတွေ
ငါ့အားနာတတ်မှုအရှိုက်ကို ပင့်ပင့်ထိုးနေကြ
အခုဘ၀အကြောင်း ပြောပြပါဆိုရင်
အခုလောက်ပဲ ပြောပြမှာပါ။ ။
ရိုးသက်
ရယ်စရာ၊မတ်၊၂၀၀၆၊စာ-၈
Subscribe to:
Post Comments (Atom)
No comments:
Post a Comment