Wednesday, April 28, 2010

မြစ်တို့၏ လားရာ

မြစ်တို့၏ လားရာ


အချစ်မှာ နွေ မိုး ဆောင်း ရှိတယ်။
လက်ထဲက တောက်ထုတ်လိုက်တဲ့ စီးကရက်တိုလေးလို
ဘ၀ဟာ
ရသလောက်လောင်ကျွမ်းနေလိုက်တာ
အငွေ့တလူလူ။
ကျွန်တော်က
ပြိုင်ဘီးနင်းသမားလေးတစ်ယောက်လို
ကိုယ်မိုက်ရင် မိုက်သလောက်ပြေးတဲ့ အနုပညာသမား
ခါးသီးမှုတွေသာ
ဘုရားသခင်ပေးသော ဆုလာဘ်ဆိုရင်
ဆေးဖက်ဝင်ဖို့ ကြိုးစားရတာ ပါရမီဖြစ်မယ်။
ရှေ့က လမ်းမဟာ တို့ဘ၀တွေဖြစ်ရဲ့
နွေနဲ့မိုးကို သန့်စင်ထားတဲ့ မေတ္တာတရား
ဖေဖေနဲ့ မေမေ့ဆီက ရခဲ့ဖူးတယ်။
ကျွန်တော်တို့ ချစ်ခြင်းမေတ္တာများ
ရေလို မဆန်နိုင်သရွေ့
တတိယအသံတစ်ခုဆီ
နှင်းပွင့်တွေလို ပြိုဆင်းခဲ့ရ။ ။

ထွန်းလွင်သွယ်(ဆူးဖြူရိပ်)
ရုပ်ရှင်တေးကဗျာ၊ဖေဖော်ဝါရီ၊၂၀၀၁၊စာ-၁၂

No comments:

Post a Comment