ပင်လယ်(၂)
ညနေရီရီဆို
ပင်လယ်က
မုန်းဖို့ကောင်းလောက်အောင်လှတယ်။
ကိုယ့်စိတ်ကိုယ်မထိန်းနိုင်ဘူး။
ဝုန်းခနဲခုန်ချမိမှာစိုးလို့
ဆက်မကြည့်ရဲ
မျက်နှာလွှဲပြီး နေရတယ်။
သတ္တိနည်းတဲ့သူပါကွယ်။
ကမ်းပါးထိပ်သစ်ပင်ကြီးမှာ
ကိုယ့်ကိုယ်ကို ကြိုးနဲ့ချည်ထားရတယ်။
တစ်ခါကဆို
ကိုယ်ကိုယ်တိုင်
ပင်လယ်ဖြစ်သွားခဲ့ဖူးသေးတာပဲမဟုတ်လား။
တော်တန်ရုံမာယာများတာလောက်တော့
ပင်လယ်က ပျင်းတောင်ပျင်းသေးရဲ့။
နေလုံးနီနီ ပင်လယ်ထဲ စွပ်ခနဲမြုပ်သွားချိန်
ဦးခေါင်းခွံတစ်ခု မတော်တဆ ကွဲကြေသွားတဲ့အသံ
ကြားမိတယ်။ ။
ရဲဘုန်းခေါင်
(အိုင်ဒီယာ၊မေ၊၂၀၀၃၊စာ-၁၆)
No comments:
Post a Comment