Monday, April 5, 2010

သက်တော်စောင့်

သက်တော်စောင့်

နတ်သမီးတွေ တီးခတ်တဲ့
ဗျတ်စောင်းသံချိုချိုနဲ့ပဲ
အိပ်စက်ပါတော့…ကောင်မလေးရေ

လေပြင်းတွေလည်း
တိုးတိုးသာသာ ပြေးဆော့ပေးကြ
ကောင်းကင်မှာ နက်ခတ်စုံစေရမယ်။

လရောင်ကမွှေးမွှေး
စမ်းချောင်းကလေး ငြိမ်သက်စွာ စီးဆင်းတယ်။

ကောင်မလေးရေ
ပူလောင်တာတွေ ခ၀ါချပြီး
နွေးထွေးတိတ်ဆိတ် အိပ်စက်ပါတော့…

ပန်းအိပ်မက်တစ်ပုဒ်
လှပစွာ မက်ရဖို့အတွက်
မိစ္ဆာအထပ်ထပ်ကို
ငါ့ဓားနဲ့ အပိုင်းပိုင်း ခုတ်ဖြတ်ပေးပါ့မယ်။ ။

လွန်းဆက်နိုးမြတ်
(၂၀၀၀)

No comments:

Post a Comment