Saturday, April 24, 2010

တမလွန်မှ ပို့စကဒ်တစ်စောင်

တမလွန်မှ ပို့စကဒ်တစ်စောင်

ညက
ပို့စကဒ်တစ်စောင်ရောက်လာရဲ့
ဖေဖေ့ဆီက။

သို့---
ချစ်လှစွာသော သားကြီး…။

မှ---
ခမ်းနားသော အချစ်များစွာဖြင့်…
…ဖေဖေ။

ဒုက္ခနဲ့တစ်ခါကြုံတွေ့တိုင်း
တစ်ကြိမ်ရယ်မောပါ။

ကိုယ့်မျက်နှာကို ကိုယ်စောင့်ကြည့်ပါ
စောင့်ရှောက်ပါ။

စိတ်နဲ့ စိတ်ကိုလေးနဲ့မြားလုပ်
ပန်းတိုင်ဆီပစ်လွှတ်
ပြီး…ထပ်ကြပ်မကွာ တန်းတန်းမတ်မတ်
လိုက်သွား…။

လှိုင်းတွေအောက်
ဦးခေါင်း မနစ်မြုပ်ပါစေနဲ့

မနက်ဖြန်တွေကို မမေ့ပါနဲ့

ဖေဖေ…
ကွယ်လွန်ခဲ့တာ
နှစ်တွေကြာပြီပေမယ့်လည်း။

ဖေဖေ့လက်ရေးလေးတွေ
အရင်လို ၀ိုင်းစက်ဆဲ။

ဖေဖေ့ ပို့စကဒ်ထဲက
နှင်းဆီပွင့်တွေ
ဖေဖေ့သွေးလိုပဲ။ ။

ငုအိမ်ထက်မြက်
(တေးကဗျာ၊သြဂုတ်၊၂၀၀၃၊အချပ်ပို-၃)

No comments:

Post a Comment