Saturday, April 3, 2010

ကြာပွတ်သီချင်း

ကြာပွတ်သီချင်း

ငါ့ရဲ့ နောက်ကျောမှာ
ဆေးသားအဟောင်းတွေ အဖတ်လိုက်ကွာကျမယ်။
အသည်းကွဲမယ်။ခေါင်းကိုက်မယ်။အိပ်ရေးပျက်မယ်။
ဒီသီချင်းကို မင်းဖွင့်တဲ့အခါ

ငါ့ရဲ့ ရင်ထဲမှာ
ဒဏ်ရာအသစ်တွေရမယ်။
တောမီးလောင်မယ်။အသိုက်ပျက်မယ်။သွေးစိမ်းရှင်ရှင်
ထွက်မယ်။
ဒီသီချင်းကို မင်းဇွင့်တဲ့အခါ

ရှိပါစေတော့။
နေဟာနေအတိုင်း
လဟာလအတိုင်း။
မင်းက
ညွတ်ပြောင်းသွယ်လျသော ရက်စက်မှုကို
အစီအစဉ်တကျမွေးမြူတယ်။
ငါကတော့
မင်းကိုယုံကြည်ပြီး
ရက်စက်မှုကို စုံလုံးကန်းခဲ့လေတယ်။
သစ္စာတရားက ကျောတစ်ရာ ရင်တစ်ရာ။
ငရဲအလင်းနဲ့
ဒီသီချင်းကို မင်းဖွင့်တဲ့အခါ။ ။

နိုင်မွန်အောင်သွင်
(ရုပ်ရှင်တေးကဗျာ၊ဧပြီ၊၂၀၀၃၊စာ-၉)

No comments:

Post a Comment