Saturday, April 3, 2010

ကျွန်တော့်ပုခုံးပေါ်ကရွာကလေး

ကျွန်တော့်ပုခုံးပေါ်ကရွာကလေး

နံနက်ခင်းက
ပန်းလိုပွင့်လာ
မိဘရဲ့ မေတ္တာရိပ်များ
လွှမ်းခြုံပြီးသားတွေ့ရတယ်။
ညာလက်ကို
ရုတ်တရက်ဆန့်လိုက်တော့
သားရယ် သမီးရယ် ဇနီးရယ်
အိပ်မက်ဆိုးများမမက်ခဲ့တာလည်း
ဒါ့ကြောင့်ပဲထင်ပါရဲ့

နွေးထွေးပြီးအေးမြနေတာလည်း
ဒါ့ကြောင့်ပဲထင်ပါရဲ့။

သတိရစိတ်နဲ့
ခြေလှမ်းမယ်ပြင်တော့
ကျွန်တော့်ပုခုံးပေါ်
မိသားစုက
ရွေ့ရပြောင်းရခက်တဲ့
ရွာကလေးတစ်ရွာစည်ကားနေပြီ။

သစ်ပင်လို ကမ္ဘာမှာ
အဖေအမေနဲ့ ရွာကလေးဆီ
ပြန်လည်မေတ္တာပို့သရုံမျှ။

ခုတော့
ကျွန်တော့်စုဘူးလေးထဲ
အဲဒီနံနက်ခင်းတွေ
တဒေါက်ဒေါက်ကျဆင်းနေ။ ။

ကိုရွေး
(ချယ်ရီ၊မေ၊၂၀၀၃၊စာ-၁၀)

No comments:

Post a Comment