ဗဟို
ဘယ်သူ့ကို ဘာကို ဘယ်အရာကို စိတ်အ၀င်စားဆုံးလဲ
နောက်ဆုံးမှာ ကိုယ့်ကိုယ်ကိုယ်သာ
စိတ်အ၀င်စားဆုံး ဖြစ်သွားကာ
ငါမရှိဘူးဆိုတာ သိလျက်နဲ့ ငါကိ်ု ဗဟိုပြုရသလားတဲ့
ပြတင်းတံခါးကို ဖွင့်ပြီး အပြင်လောကကို ကသိုဏ်းရှု
လေကို ရှူတယ်၊ပြန်ထုတ်တယ်၊ရှူတယ်၊ထုတ်တယ်။
ဖောင်းတယ်၊ပိန်တယ်၊ယားတယ်၊နာတယ်၊အောင့်တယ်၊
ပူတယ်။
အရုပ်တွေ၊အရောင်တွေ၊အဆင်းတွေ၊အသံတွေ...
အနံ့အရသာတွေကို သုညအဖြစ် ကသိုဏ်းရှု
ငါနဲ့၊သူတို့နဲ့၊အဲဒါတွေနဲ့၊သင်နဲ့၊လောကကြီးနဲ့
ငါက ဗဟိုလား...ကမ္ဘာက ဗဟိုလား...
သုညက ဗဟိုလား...
သိမှုက ဗဟိုလား...ရှိမှုက ဗဟိုလား...
ဗဟိုချက်ဆိုတာ ရှိလို့လား။ ။
ထွန်းဝေမြင့်
မဟေသီ၊အေပရယ်၊၂၀၀၂၊စာ-၁၂
No comments:
Post a Comment