Friday, May 28, 2010

မြွေဝင်စား

မြွေဝင်စား

အမေရေ...သားမအိပ်ချင်ဘူး
ညတာရှည်ရင် အိပ်မက်ရှည်သတဲ့
အာသီသသစ်သီးကို စားချင်စမ်းပါဘိ
ပန်းဖျက်တဲ့ ပိုးက ဆိုးတယ်...အမေ...။

အိပ်မက်ထဲ ကျွန်တော်က မြွေတစ်ကောင်ဖြစ်လို့
ကောင်းကင်ကို ညှို့ကြည့်တော့...
နဂါး၊ဂဠုန်၊ဂုမ္ဘန်၊ယက္ခ
တိမ်ညိုတွေ အထွေးလိုက်ပြုတ်ကျ...။

ပင်လယ်ကို ညှို့ကြည့်တော့
ငွေပင်လယ်က ရွှေပင်လယ်ပြောင်း
လဲလျောင်သဲသောင်ဖွေးဖွေးပေါ်
ကွေးကွေးလေး အိပ်ရှာတဲ့...
ကလေးဘ၀ကို ပြန်တွေ့တယ်...။

ရိုးမကြီးကို ညှို့ကြည့်ပြန်တော့...
တောင်ယာမီးခိုးတွေ တအူအူတက်နေတဲ့
မတ်ရပ်တောအုပ်တွေနဲ့ ချွေးစို့နေတဲ့ တောင်သူတွေ
ထွက်ကျလာတယ်...။

ကျွန်တော်က ချစ်သူကိုညှို့တော့ ...
ကမ်းနှစ်ဖက်ကြား အလွမ်းတွေ ရဲရဲဖြာလို့...။

ကျွန်တော်က အမေ့ကိုညှို့တော့...
မိတ္ထီလာကန်တော်အောက်က
ဖားကောက်သူဟာ ကျွန်တော်ဖြစ်နေရော့...
ရွှေလင်ပန်းနဲ့ အချင်းမဆေးနိုင်ခဲ့ဘူး...အမေ...။

ညထဲမှာ ဘ၀က ကျပျောက်...
ကြယ်ကြွေတွေ အိပ်ပေါက်နဲ့ လိုက်ကောက်...
ညတာရှည်ပါစေတော့...အမေ...
အိပ်မက်ရှည်တာကိုပဲ ချစ်နေမိပြန်။ ။

နရီ(မြိတ်)
ချယ်ရီ၊စက်တင်ဘာ၊၂၀၀၂၊စာ-၁၁

No comments:

Post a Comment