Friday, May 28, 2010

သီချင်းတောင်းခံလိုက်ရတဲ့ည

သီချင်းတောင်းခံလိုက်ရတဲ့ည

ဂီတက မသန့်ဘူး
ကွက်ကျားမိုးစို မီးရောင်မှိန်မှိန်ထဲက ဂီတ
လူကြီးလူကောင်းဂုဏ်သိက္ခာ လက်ကိုင်ပန်းမျှော်တဲ့ ဂီတ
အဆီပြန်ပွက်ပွက်ဆူ
ရမ္မက်မျက်နှာ အရိပ်မည်းတွေ ထိုးကျလာတဲ့ ဂီတ
သီချင်းတစ်ပုဒ်ပြီးရင် ဈေးခေါ်ကောင်းတဲ့ စားပွဲထိုး
လက်ဝါးချင်းရိုက် လက်ခုပ်သံထဲက ဂီတ
ပန်းပွားပန်းကုံးတွေ လည်တိုင်ဖွဖွပေါ်
ညင်သာစွာ စွပ်ချလိုက်တဲ့ ဂီတ
သံလိုက်လက်ဖ၀ါးကြမ်းကြမ်းတွေ
ဆုပ်ညှစ်ခါယမ်းလိုက်တဲ့ ဂီတ
အမြှပ်တစီစီခွက်ထဲက ခြောက်ကပ်အက်ကွဲစွာ
ဟာမိုနီလိုက်တတ်တဲ့ ဂီတ
မဆွတ်ခင်က ညွှတ်ချင်နေတဲ့ ကိုယ်ဟန်ပြဂီတ
ပရိယေသန အသံလှိုင်းတွေ တစ်စတစ်စ မှောင်သွားတဲ့ ဂီတ
ပထမတန်းစား ဖြေဖျော်မှု ဘ၀ရေခဲတုံးတွေ
အေးစက်စက် မျောပါနေတဲ့ ဂီတ
သရဖူလေးဆောင်းလိုက်ရဖို့ မာယာအသံလှိုင်းတွေ
မြူးကြွယိမ်းနွဲ့ ဂီတ
ဆိုနေကျ သီချင်းတွေနဲ့
အနက်ရောင် ၀မ်းဆက်ဇာကွက်ထဲက
ဝင်းပရုန်းကြွ အသားရောင်ဂီတ
ဂီတက မသန့်ဘူး။ ။

ကောက်နွယ်ကနောင်
မဟေသီ၊စက်တင်ဘာ၊Y2K၊စာ-၁၀

No comments:

Post a Comment