မြို့ခေါင်ခေါင်
ဗွီစီဒီ၊ကာရာအိုကေ ရမယ်
အရက်မျိုးစုံရမယ်
လမ်းဘေးအုတ်ခုံထိုင်တဲ့ သီချင်းဆန်ဆန်အော်ဟစ်မှုတွေ ရမယ်
အဝေးမပြေးနိုင်လို့ ခေါက်တုံ့ခေါက်ပြန် ပြန်ပြန်လာတဲ့
အဝေးပြေးကားနံ့ရမယ်ဆိုပြီး
ဈေးခေါ်ရင်း ဈေးခေါ်ရင်း ညည့်နက်နက်လာတဲ့ မြို့ကလေးပေါ့
ညလုံးပေါက် လက်ဖက်ရည်သောက်နေရ
ဟိုတုန်းက ဆုတံဆိပ်ရခဲ့ဖူးသူတွေကို မေ့နေမယ်
မူးယစ်သောက်စားထားသလောက် အားကစားလိုက်စားဖို့ မေ့နေမယ်
တစ်တစ်ရစ်ရစ် ကဗျာပြင်းအားတွေကို ၀ှက်ထားမယ်
သူ့အကြောင်း မကောင်းပြောမယ်အထင်ရောက်ပုံနဲ့ မရပါဘူး
ဟိုတစ်ယောက်ဒီတစ်ယောက် တဖြောက်ဖြောက်မိုးရွာလိုက်သလို
ကဗျာတွေအလျှိုအလျှိုထွက်လာခဲ့
အတွင်းတိမ်စွဲတယ်ပြောပြော သူ့အလင်းအားကို သူချွေတာ
သူ့လမ်းမလေးအတွက် အနက်ရောင်ဆေးတွေ သူချွေတာ
ချစ်ခြင်းမေတ္တာအတွက်တော့ သူဘာသိလို့လဲ
သူ့အဝေးရောက်သားတွေ သူ့အိမ်ပြန်လာဖို့များ
သူဘယ်နှစ်ခါ ညှို့ခေါ်ဖူးလဲ
ဒီလိုနဲ့သာ အသည်းကွဲကြစတမ်းဆိုရင်
အဲဒီ့မြို့ငိုတာနဲ့တင်
သူ့နှမ်းပင်တွေ ရေမျှော်ဖို့မလိုဘူး။ ။
သစ္စာပိုင်စိုး
ရယ်စရာ၊ဇွန်၊၂၀၀၁၊စာ-၂၂
Subscribe to:
Post Comments (Atom)
No comments:
Post a Comment