သတ္တမမြောက်ရှုမျှော်ခင်း
ဆဋ္ဌမမြောက်ရှုမျှော်ခင်း၏ မှင်တက်မိကမ်းစပ်၌
လှိုက်လှဲသည့် တေးသွားတစ်ဝက်
သက်သောင့်သာယာ အေးချမ်းစွာမတ်ရပ်ရဲ့။
တောင်ကမ်းပါးယံတို့၏ လွှဲရှောင်မှုနှင့်
ငလျင်များ ဖြည်းဖြည်းချင်းပြန်လာခဲ့ကြ။
ကလစ်တစ်ချက်နှိပ်ရုံဖြင့် ပွင့်ခဲ့သော ပုံကြမ်းများ
လွင်ပြင်မဲ့ခဲ့ရုံမျှ
ဒါပေမယ့် အဆုံးမဲ့ ကန့်သတ်လင်းပြတ်မှုမှာ
ထက်ကြပ်မကွာ နှင်းရည်စက်များ တေးသီငှက်များ
သဲသောင်ပြင်စပ်မှ ပင်လယ်၏ စောင့်မျှော်ခြင်းများ...။
ဟိုးအဝေးမှ ခပ်နှေးနှေးကျောက်တံတိုင်းတို့
ခြေလှမ်းမှန်မှန်ဖြင့်
ဖွင့်လိုက်သည့် သစ်တောအုပ်ထဲ၌
အရိပ်များပမာ
ပါးလျစွာ ဖြတ်ကျော်သွားကြရဲ့
ကြယ်စုများရဲ့ တံတိုင်းဆီ...။ ။
ဖြူမွန်
ရနံ့သစ်၊ဒီဇင်ဘာ၊ ၂၀၀၃
Subscribe to:
Post Comments (Atom)
No comments:
Post a Comment