အလေ့အထ
အားလုံးဟာ ရုပ်ရှင်ထဲက အတိုင်းပါပဲ
အမှိုက်ကစ ပြသဒ်မီးလောင်ခဲ့ပါတယ်
ဒါဟာ နေညိုချိန်မှာ
နေသားတကျ ဖြစ်သွားတဲ့ ရူးသွပ်မှုပါ
ကျွန်တော်ကလည်း ကျွန်တော်အလျောက်
မုန်တိုင်းကလည်း မုန်တိုင်းအလျောက်
ပြသနာက
မီးခိုးကြွက်လျှောက်ဖြစ်ခဲ့
တစ်ဖက်အသင်းဟာ ကန်သွင်းခွင့် ပိုရခဲ့တယ်
ကျွန်တော့်မှာ
ခြေသံကြားရင်တောင် ရင်ထိတ်မိပါရဲ့
အိမ်ဝမှာလည်း ဘီလူးနှစ်ကောင်ရပ်စောင့်လို့
စက်ခလုတ်တွေ တပ်ဆင်ထားတဲ့ ချစ်ခြင်း
ပြောပါ
ဘ၀ကို ဘေးမျဉ်းမတားပဲရေးမိတဲ့အခါ
ဘယ်သူက လက်ဆစ်လာခေါက်မှာလဲ
နာကျင်မှုတွေကြားမှာ ညပ်နေတဲ့ အပြုံး
အားလုံးဟာ ဆိုပြီးခဲ့သလို
တကယ့်ကို ရုပ်ရှင်ထဲက အတိုင်းပါပဲ
အလွမ်းကို
ဖုန်တွေဘာတွေမတက်အောင်
ပလတ်စတစ်လောင်းထားလိုက်တယ်
ဇာတ်လမ်းအဆုံးရောက်ရင်
ကျွန်တော်က ဒါပဲပိုင်မှာမို့လို့ပါ။ ။
လွန်းဆက်နိုးမြတ်
(၂၀၀၅)
No comments:
Post a Comment