မီးစ
ချစ်ခြင်းတရားမှာ
အထိနာခဲ့တယ်။
ဘ၀ရဲ့ ဖြစ်တည်မှုအားလုံး
အကိုင်းအခက်ပါမကျန် ရိုက်ချိုးခံလိုက်ရ
ကိုယ့်ရိုးဖြောင့်မှုကို
ဘယ်လို လက်ထိုးအန်ချပစ်နိုင်မှာတဲ့လဲ
ဥမင်လှိုဏ်ခေါင်းလို
မသိနားမလည်ခြင်းများ
နက်မှောင်လျို့ဝှက်မှုများ
ဘယ်သော့နဲ့မှ ဖွင့်မရနိုင်ခဲ့ဘူး။
တက်ခေါက်သံတစ်ခုအဆုံး
ဒိုင်ယာရီကြားက
စွယ်တော်ရွက်တွေ ဆွဲထုတ်မီးရှို့ပစ်တယ်။
ဒဏ်ရာနဲ့ ပြုလုပ်ထားတဲ့
ကန္တာရလွင်ပြင်ဆန်ဆန် တီးလုံးတွေသာ
စီ(၆၀)တစ်ခွေစာ ပြည့်လို့။
လက်နှစ်ဖက်နောက်ပစ်ပါ
ခေါင်းကလေးမော့ပါ
တခစ်ခစ်ရယ်ပါ
ဒီမှာတော့ တေးမျှော်ပုခက်ထဲ
အိပ်မက်တွေ သွေးထွက်သံယိုဖြစ်ခဲ့ပြီ။ ။
လွန်းဆက်နိုးမြတ်
(၂၀၀၅)
No comments:
Post a Comment