ငါတို့ လူငယ်ဘ၀
နို့အိမ်ထဲက နို့တစ်စက်
ညထဲ ခုန်ဆင်းလိုက်သလို လင်းထိန်တယ်။
ငါတို့ လူငယ်ဘ၀
နှင်းတွေက နှင်းအတိုင်း မှုန်လို့
ရယ်မောစရာ အနန္တ
ဓာတ်ကြိုးတန်းပေါ်မှာပင်
အမှန်တရားဟာ ဖူးလို့ ပွင့်လို့ပဲ။
ငါတို့ လူငယ်ဘ၀
ဓားခုတ်ရာ ဒဏ်ရာနဲ့ မျက်နှာပင်
လောကကို သက်တန့်လို ကိုင်းစေတော့။
ငါတို့ လူငယ်ဘ၀
ကျေးဇူးတရား မလိုဘူး
လက်ဆောင်ပစ္စည်း မလိုဘူး
ရွှေမထွက်တဲ့ကိစ္စ စိတ်မ၀င်စားဘူး။
လိုနေတာ
အချစ်ပြီးရင် အချစ်ပဲ။
ငါတို့ လူငယ်ဘ၀
ချောက်ကမ်းပါးကြီးထဲက လူသားများ ဖတ်မယ်
စစ်နဲ့ ငြိမ်းချမ်းရေး ဖတ်မယ်
ရွှေပြည်တော် မျှော်တိုင်းဝေး ဖတ်မယ်
အိပ်ရာတွေ လန့်ပျံအောင်
ဂစ်တာ တီးမယ်
ဆိုလိုက်တဲ့ သီချင်းဟာ
အချင်းပတ်နေတဲ့ ကြယ်တွေကို လွတ်မြောက်သွားစေမယ်။
ငါတို့ လူငယ်ဘ၀
မြက်ခင်းစိမ်းများပေါ်
မြို့သစ်များတည်လို့
ဓားပေါက်ကျင့်ရင်း ပန်းချီရေးခဲ့။
ငါတို့ လူငယ်ဘ၀
အလေအလွင့် ခပ်များများ
ရွှေစင် ရွှေစ ခပ်များများ
ရဲစိတ်ရဲမာန် ခပ်များများ။
အဲဒါကိုပဲ
အမေက မီးမမှိတ်ဘဲ စောင့်တယ်
ချစ်သူက မီးမမှိတ်ဘဲ စောင့်တယ်
ကောင်းကင်က မီးမမှိတ်ဘဲ စောင့်တယ်
အထင်ကရ
ဓာတ်မီးတိုင်များနဲ့
ဟိုးအဝေးက နတ်ဒေ၀တာများကလည်း စောင့်မှာပဲ
ဒါ…ငါတို့ လူငယ်ဘ၀
ငါတို့ အနာဂတ်ဆီ ရောက်ဖို့
စောင့်နေတဲ့
ငါတို့ လူငယ်ဘ၀…။ ။
ခရမ်းပြာထက်လူ
(သရဖူ၊မတ်၊၂၀၀၃၊စာ-၁၄၉)
Subscribe to:
Post Comments (Atom)
No comments:
Post a Comment